HƏSƏN əl-BASRİNİN (rahiməhullah) HİKMƏTLİ SÖZLƏRİ

"Rəvayət olunur ki, Həsən əl-Basri (Rahiməhullah) buludlara baxdıqda belə deyərdi:

"Allaha and olsun ki, onda sizin ruziniz var. Lakin siz, xətalarınıza və əməllərinizə görə ondan  məhrum olmusunuz."
 (Əl-Azamətu 4/1257
liəbi əş-Şeyx əl-Əsbəhəni )

Həsən əl-Bəsri demişdir: 
"Adəm övladının işi qəribədir! Hər gün bir və ya iki kərə (ayaqyolundan çıxıb) əlinə bu­laşmış nəcisi yuyur, sonra da göyləri və yeri yaradan Qüdrətli Allah qarşısında təkəb­bür­lük göstərir”
(əz-Zəvacir, 1/179).

Həsən əl-Basri -Allah ona rəhmət etsin - belə deyir:
"Qul böyük günah edib, qəlbini və ağlını fəsada uğratmadıqca xeyir içində olar."
(Musannaf bin Əbi Şeybə)

▪O gün peşmançılıq günü olacaq!▪

Həsən əl-Basri -Allah ona rəhmət etsin- belə deyir:

"Qiyamət günü adəm oğluna həyatında keçən saatlar göstərilib qarşısına qoyulacaqdır.Onun həyatından olan hər hansısa bir saat (və ya yaşadığı ömürdən hansısa bir zaman) xeyir əməllər görmədən  və yaxşılıqlar etmədən keçmişsə, həmin boş vaxtlarda xeyir etmədiyi üçün nəfsi kədər, qəm qüssədən param parça olacaqdır."
(İbn Covzi, Ömrün Qorunması kitabı,səh 63)

Həsən əl-Basri (rahiməhullah) buyurur:

"Şirinliyi üç şeydə axtarın; Namazda, Zikirdə, Quran oxumaqda, əgər bunlarda tapsaz (tapmısız şirinliyi), yox əgər tapmasaz bilinki qapı (üzünüzə) bağlıdı."
(Təzhib mədəric əs-səlikin, s/463.)

Həsən əl-Basri (rahiməhullah) buyurur:

Qeybət üç növdür. Onların hər biri haqda Quranda xəbər verilmişdir.
1.Qeybət
2.İfk
3.Böhtan

1- Qeybət; qardaşında olan bir şeyi demən,
 
2- İfk; qardaşın haqda sənə çatanı danışman,
 
3- Böhtan; isə qardaşında olmayanı deməndir.
(Təfsir əl-Qurtubi 16/335.)

PAYLAŞ: