Sual: Hörmətli şeyx, Allah sizi müvəffəq etsin, sual verir ki, müəyyən şəxsə kafir hökmünü kim verir?

Cavab: Kafir hökmünü elm və bəsirət əhli, hökmləri bilib onları öz yerində tətbiq etməyi bilənlər verir.

Avamlar, özünü elmli göstərmək istəyənlər, hava əhli hökm vermir. Bu məsələdə yalnız elm və bəsirət əhli hökm verir. Belə ki, müəyyən bir şəxsin iman gətirdikdən sonra küfrünə hökm vermək işi elm və bəsirət əhlinə aiddir.
Müəyyən şəxsə hökm vermək üçün mütləq qazinin yanında ona hüccət qaldırmaq lazımdır. Çünki, ola bilsin onun üzrü var, yaxud təhvil edib yozur. Ona görə də müəyyən şəxsin təkfiri yalnız şəriət məhkəməsində, qazinin hüzurunda həyata keçir.
Lakin ümumi olaraq, "belə edən kafirdir" , yaxud, "Allahdan başqasına dua edən, Allaha şərik qoşan, Allahdan başqasına qurban kəsən kafirdir " ümumi olaraq demək- bəli ümumi təkfir edə bilərsən.
Lakin müəyyən şəxsi təkfir etmək isə, xeyr, bu yalnız qazinin  hüzurunda mümkündür, çünki, ola bilsin onun üzrü var,ola bilsin cahildir, ola bilsin ikrah (məcbur) edilib, ola bilsin başqa üzrü var. Ona görə də mütləq bu hakimin hüzurunda olmalıdır.

Tərcümə; Emin Hacıyev