ŞƏVVAL AYININ ORUCU

Rəhmli və Mərhəmətli Allahın adı ilə

Ramazanla vidalaşdıqdan sonra üzərimizə düşən Allaha şükr etməkdir. Və məlumdur ki, üsyanla (asiliklərlə) Allaha şükr edilməz. Beləki, şükr – insanın əməl etməsi və bununla Allaha şükrü qəsd etməsidir. Uca Allah nemətlərə şükr etməyi əmr edərək buyurur: 
“Ey Davud nəsli! (Bu nemətlərə) şükür edin!”
 (Səba 13).

 Həmçinin dahi alim İbn Racəb (Allah ona rəhmət etsin) buyurur: “Allahın Ramazanda oruc tutmaq nemətinə əks olaraq, Ramazandan sonra günahlar edənə gəldikdə isə, o, Allahın nemətinə əvəz olaraq nüşükürlük etmişdir!”
 (Lətaiful Mə`əərif)

Uca Allah bizlərə vacib buyurduğu oruc tutmaq ayı bitdikdən sonra, bu sabitliyi qorumaq üçün müstəhəb oruclara baş vurmalıyıq. Müstəhəb oruclara misal olaraq, hər ayın üç gününü tutulan orucları, 1-ci və 4-cü günlər tutulan orucları, Muhərram ayında tutulan oruc,Ərafa günü tutulan orucu, Davud orucunu (bir gündən bir tutulan orucu) və s. digər nafilə oruclarını zikr etmək mümkündür.

Həmçinin unutmayaq ki, biz əzəmətli oruc mövsümü kimi sayılan Şəvval (Ramazan ayından sonra gələn ay Şəvval ayıdır) ayını yaşayırıq. Beləki, Əbu Əyyub əl-Ənsari (Allah ondan razı olsun) rəvayət edir ki, Allahın Elçisi ﷺ demişdir: 
"Kim Ramazanda oruc tutarsa, bundan sonra ona, Şəvvaldan altı günlük orucu əlavə edərsə, il boyu oruc tutmuş kimi sayılar."
 (Muslim 1164). 

Və bilin ki, Şəvval ayından 6 gün oruc tutmaq, Ramazan orucunun qəbuluna işarə edən bir əlamətdir. Çünki yaxşı əməlin faydası, özündən sonra digər yaxşı əmələ açdığı qapıdır. Şəvval ayında tutulan oruc da, Ramazanda səni oruc tutmağa müvəffəq edən Allaha olunan bir şükrdür. Həmçinin bilin ki, Şəvval orucu ilə Ramazan orucunun misalı, müstəhəb namazlarla fərz namazlarının misalı kimidir. Müstəhəb namazları vacib namazlarda olan naqislikləri tamamladığı kimi, Şəvval ayının 6 gün orucu da Ramazan ayı tutulan oruclarda olmuş naqislikləri və boşluqları doldurar.

Bir sözlə əziz oxucu, bil ki, Ramazan bitsə də, Allaha itaət və ibadət hələ də bitməyib və sənin son nəfəsini alacağın ana qədər də bitməyəcəkdir. Elə isə ictihad et, sabitliyi qorumağa çalış ki, sabitlik əvəzi Rəbbinin vəd etdiklərinə nail olasan…

Şəvval orucu və Ramazandan qəzalar

Abu Eyyub əl-Ənsari (Allah ondan razı olsun) rəvayət edir ki, Allahın Elçisiﷺ demişdir: 
"Kim Ramazanda oruc tutarsa, bundan sonra ona, Şəvvaldan altı günlük orucu əlavə edərsə, il boyu oruc tutmuş kimi sayılar."
(Muslim ,1164)

Ramazandan qalan vacib orucların qəzasını tutmamış şəvval orucunu tutmaq keçərli deyildir.

Dahi alim Mənsur əl-Bəhuti rahiməhullah buyurur:
"[Ondan (yəni Ramazan qəzasından) qabaq nafilə (oruc) haramdır] və keçərli deyildir.. Hənbəl rəvayət edir ki, icazəli deyildir. İlkin olaraq fərzdən başlayıb, hətta nəzir etdiyi oruc olsa belə Ramazandan qalan qəzadan sonra tutur
(Şərhul Muntəhə)

Dahi alim ibn Muflih rahiməhullah buyurur:
"(Ramazan qəzasını tutmamış) nafilə orucları tutmaq icazəli və keçərli deyildir."
 
Dahi alim ibn Üseymin (rahiməhullah)buyurur:
"Əgər bir qadının Ramazandan qəza orucları qalarsa, şəvval oruclarını Ramazanın qəza oruclarından sonra tutur.  Çünki Allah Rəsuluﷺ belə deyir:
 "Kim Ramazan orucunu tutarsa, sonra şəvvaldan altı gün tutarsa..." kiminsə ramazanda qəzası varsa, Ramazanı (kamil) oruc tutmamışdır, qəza oruclarını tutduqdan sonra ancaq şəvvaldan tutulacaq savabı əldə edilir. Əgər fərz edilsə ki, qəza orucları bütün şəvval boyunca olarsa, məsələn: bir qadının nifas halında bütün Ramazanı tutmayıb, sonra həmin qəza oruclarını şəvvalda tutmağıyla zil qaidə (şəvvaldan sonrakı hicri ay) daxil olacaqsa, belə halda şəvval oruclarını tutur. Beləliklə həmin kimsə şəvvalın əcrini qazanır. Çünki gecikdirmə zərurət və üzrlü bir hala görədir. Beləcə savab  qazanmış olur.
(Məcmuu əl-Fətəəva ibn Üseymin 20/19)

ŞƏVVALIN ALTI GÜN ORUCUNU BAYRAMDAN DƏRHAL SONRA TUTMAQ LAZIMDIR?

Sual: Şəvvalın altı gün orucunu bayram günündən dərhal sonra tutmaq vacibdir, yoxsa bir neçə gün keçdikdən sonra (Şəvval ayında) tutmaq olar?

Cavab: Bayramdan dərhal sonra oruc tutmaq vacib deyil, daha doğrusu bayramdan bir və yaxud bir neçə gün sonra oruc tutmaq olar.
Həmçinin ard-arda və yaxud fasilələrlə Şəvval ayında həmin kəsə necə asandırsa o şəkildə oruc tutmaq olar. Bu məsələ olduqca genişdir və vacib deyil, əksinə bu sünnədir.
Müvəffəqiyyət Allahdandır. Allahın salat və salamı peyğəmbərimiz Muhəmmədə, onun ailəsinə və səhabələrinin üzərinə olsun.
(Fətəəvə Ramadan, cild 2, səh. 693, Fətva №698
Fətəəvə əl-Ləcnə əd-Dəəiməh lil Buhus əl-İlmiyyə vəl-iftəə-Fətva № 3475.Fətvalar və Elmi Tədqiqatlar üzrə Daimi Heyəti)

Yoxladı:Yaşar Qurbanov

PAYLAŞ: