Sual: Quranı pul qarşılığında oxumaq barədə hökm nədir?

Cavab: Həmd Allaha məxsusdur.

Əgər məqsəd Quranı insanlara tədris etmək, əzbərlətməkdirsə, elm əhli arasında olan ən səhih rəyə görə bu məqsədlə pul götürməkdə bir müşkül yoxdur. Həmçinin səhih hədisdə əqrəb sancan bir kəs üçün müəyyən məbləğ müqabilində Quran oxunduğu nəql olunub. Rəsulullahdan sallallahu aleyhi və səlləm rəvayət olunan hədisdə deyilir: “Sizin götürdüyünüz ən yaxşı haqq (ücrət) Allahın Kitabına görə götürdüyünüz ücrətdir”. Buxari rahiməhullah hədisi Səhih əsərində təxric etmişdir. Lakin ücrət götürməkdə məqsəd sadəcə hər hansı bir münasibətlə mücərrəd oxunuşa görədirsə bunun üçün ücrət götürmək olmaz. Şeyxu-l-İslam ibn Teymiyyə rahiməhullah bildirir ki, bunun haram olduğuna dair elm adamları arasında hər hansı bir ixtilafın olduğu məlum deyil. Sitatın sonu.

Fətvalar Məcmuəsi, İbn Bəzz, 21/211

PAYLAŞ: